काँग्रेस अध्यक्ष पदाच्या निवडणुकीतील ‘या’ बड्या उमेदवाराचा अर्ज झाला बाद. ( Congress presidential election )
काँग्रेस अध्यक्ष पदाच्या निवडणुकीतील ‘या’ बड्या उमेदवाराचा अर्ज झाला बाद. (Congress presidential election)काँग्रेस अध्यक्ष पदाची ही निवडणूक सोमवार दि. १७ ऑक्टोबर २०२२ रोजी होणार आहे. काँग्रेसच्या तीन दिग्गज नेत्यांनी काँग्रेस अध्यक्ष पदासाठी उमेदवारी अर्ज भरला होता.
मल्लिकार्जुन खर्गे, शशी थरूर आणि झारखंडचे माजी मंत्री केएन त्रिपाठी ( KN Tripathi) यांनी अध्यक्ष पद उमेदवारी अर्ज शुक्रवारी भरले होते. परंतु आता केएन त्रिपाठी यांचा अर्ज बाद झाला आहे. अध्यक्षपदासाठी केलेल्या अर्जात स्वाक्षरीमध्ये तफावत आढळल्याने केएन त्रिपाठी यांचा अर्ज बाद झाला आहे.
या कारणामुळे आता काँग्रेस अध्यक्षपदासाठी उरलेल्या दोन उमेदवारांमध्ये शशी थरूर आणि मल्लिकार्जुन खर्गे यांच्यात थेट लढत होईल .
काँग्रेस अध्यक्षपदासाठी निवडणुकीसाठी उमेदवारी अर्ज भरलेल्या फॉर्मची आज छाननी करण्यात आली व यामध्ये झारखंडचे माजी मंत्री केएन त्रिपाठी यांचा अर्ज फेटाळण्यात आला आहे. केएन त्रिपाठी यांचा फॉर्म विहित निकषांमध्ये बसला नाही व त्यामध्ये स्वाक्षरीच्या चुकाही होत्या अशी माहिती या निवडणुकीसाठी नियुक्त केलेले निवडणूक अधिकारी मधुसूदन मिस्त्री यांनी दिली आहे.
दरम्यान, झारखंडचे माजी मंत्री केएन त्रिपाठी यांचा अर्ज बाद झाल्यांनतर आता काँग्रेस अध्यक्ष पदासाठी शशी थरूर आणि मल्लिकार्जुन खर्गे यांच्यात थेट लढत होणार आहे. ८ ऑक्टोबर २०२२ पर्यंत उमेदवारी अर्ज मागे घेण्याची मुदत आहे.
काँग्रेस अध्यक्ष पदाची ही निवडणूक सोमवार दि. १७ ऑक्टोबर २०२२ रोजी होणार आहे आणि निवडणुकीची मतमोजणी बुधवार दि. १९ ऑक्टोबर २०२२ रोजी होईल.
